PDF 9 an surrender tiah SAC ralhrang in tlangthan

Mandalay ah PDF 9 an surrender tiah SAC ralhrang in tlangthan.

May be an image of 13 people and people standing

SAC ralhrang dinpitu media pawl cun January 16 ah Mandalay ramthen sung ih PDF 9 an surrender, tiah thu an than.

Hmun laifang ralhrang hmunpi ah PDF tlanluttu pawl cu sunglawi zetin hmuahnak an nei ih, “PDF pawl in Tatmadaw ih lungput dik theifiang in thahrum suah cangvaihnak an bansan ih kan hnenah an ra tlanlut.

Lungawi soparten kan hmuak hai,” tiah SAC ralhrang dinpitu Telegram ah an thlah.

PDF 9 pawl hi kum 20 ihsin kum 40 karlak hlir an si ih annih hi PDF trainning thehsuak zo an si nan, sualmawh pisirh an tuah lo, tiah an tarlang.

Nikum May thla sungah Mandalay le Sagaing PDF 8 an surrender dah tiah theih a si ih himi hi anmah PDF taktak pawl in thuphan a si, tiah an sim thung.

SAC ralhrang hin mipi le dothlengtu pawl thinlung cokbuai an duh ruangah Pyusawhtee lole an lamttang cia pawl PDF lem ah cangter men, tiah an rel.

May be an image of 4 people and people standing

SAC ralhrang dinpitu pawl cun ram pumhuap ah PDF 317 an surrender zo ih Ayeyarwady ihsin mi 134, Mandalay ihsin mi 67 le Magway ihsin mi 41 an si, tiah thu an than.

Be the first to comment

Leave a Reply

Your email address will not be published.


*