PDF 7 kom in palik le Pyusawhtee sakhan an nuai, ralhrang le Pyusawhtee 40 an thi

PDF pawlkom 7 komkhawmaw in palik le Pyusawhtee sakhan an nuai, ralhrang le Pyusawhtee 40 an thi.

Tanintharyi ramthen, Laung Lone peng, မောင်းမကန် khua ih palik sakhan le Kayin Gyi khua ih Pyusawhtee sakhan cu December 4, zan nazi 8:30 ah tualsung hriamhrei kai pawl in an nuai, tiah Dawei Defense Team-TTD ih tuanvoneitu in a sim.

“Sakhan kan siimnak ah ralhrang lam thi an tam ih cumi bawm dingin ralhrang dang an ra ding, ti kan theih cia ruangah lamzin ah kan rak bawh.

Cu ngaingai in ralhrang motor 3 khatin an ra ih mine 24 in ttum hnih kan rak thum. Ralhrang motor 2 cu an awp rupri ih pakhat cu a kang vutvo. Hitawkah minute 20 hrawng kan kapaw,” tiah PDF ih tuanvoneitu pakhat cun Irrawady Times hnenah a sim.

Hi zan thotho ah Kayin Gyi khua ih Pyusawhtee sakhan nuai lawlaw a si ih ralhrang 20 hrawngin Vigo motor in an bawm lala.

Asinan, tualsung hriamhrei kai pawlkom in lamzin ah mine 12 in an puah ih ralhrang tam zet an thih hleiah hriamhma baihmi pawl Dawei sizung ah an phuraw rero, tiah an sim.

No description available.

Sakhan pahnih siimnak ah SAC ralhrang le Pyusawhtee 40 hrawng an thi ih mipi ralkap lam ihsin 5 in hriamhma an ngah nan, cutlukin an bese lo, tiah theih a si.

Be the first to comment

Leave a Reply

Your email address will not be published.


*