Shan ramkulh saklam, Nan Kam khawpi luhnak ah Kachin Baptist Church ih pastor ih mawnmi bike cu June 5 ah an cek ih rittheih sivai hmu in an kai, tiah theih a si.
Biaknak pastor U Bren Nu le a rualpi pahnih cu bike pahnih in Muse ihsin an ra ih Kone Sar khaw kiangah an kai, tiah tualsungmi pakhat cun a sim.
“Anih hi pastor a si. Asinan kum khat cawlh a la. Ziangahtile nupi neih a duh ruangah sumpai hawl dingin cawlh a laknak a si. Cumi laiah an kai ih thin a nuam lo zet,” tiah a rel.
U Bren Nu cu a hlanah Bike carry a tuan lawk ih cutin pumcawmawtu a si. Thilri a phurhmi ah rittheih sivai a um ih an kai, tiah tualsung mino pakhat cun a rel.
“Annih hi thilri peksawngawk an hlawh a si ko. Tulai nunhar thawn hmuhmimi hnatuan vivo a si tikah nupi nei ding thawn sumpai a tulsam vanglai tak le a sisi,” tiah a sim hrih.
An kaihmi 3 hi kum 28 mi U Bren Nu, kum 42 mi Daw Min Than le kum 28 mi Magat timi a si ih Nam Kam palik sakhan ah an hreng hrih.
Shan ramkulh saklam, Nam Kam peng, Nay Win Ye raltlan pawl umnak sirhsan in bazaar vekin rittheih sivai an zuar rero, tiah theih a si.
Cutawk hmun cu 2021, June ahkhan SSPP/SSA in meisa in a urkang.
Leave a Reply