Palik CDM le PDF hotu cu a aiah a nu, a naupa le a farnu ralhrang in an kai

CDM palik ih nu, a naupa le a naunu cu SAC ralhrang in a aiah an kaihsak, tiah theih a si.

Mon ramkulh, Kyaikto peng ih PDF hotu U Aye Min Tun cu SAC ralhrang in an kaih thei lo ruangah a aiah a innsang pawl an kai, tiah Khit Thit Media cun a sim.

U Aye Min Tun ih palik ah kum 20 lenglo a ṭuan zotu a si ih SAC ralhrang in Myanmar rampi uknak an lak tikah CDM a lut.

Cu lawng si loin Mon ramkulh, Kyaikto peng ih PDF pawl hotu khal a ṭuan, tiah theih a si.

June 14 ah SAC ralhrang pawl cu Kyaikto peng, Chochuang ih an inn ah feh in an sungkua mi 3 an kai, tiah tualsungmi pawl in an sim.

U Aye Min Tun ih nu, a naupa le a farnu cu kaih an si ih khuitawkah an hreng ti khal theih a si hrih lo.

U Aye Min Tun hi palik sergeant rak ṭuantu a si hleiah Mon ramkulh CM Dr. Aye Zan ih PA khal rak ṭuan dahtu a si.