Palik bazaar kai an kap, 1 thi, 2 cu ke hnih phawi in an leu

Palik bazaar kai an kap, 1 a thi ih 2 cu ke hnih phawi in hriamhmapi thawn an leu.

Sagaing ramthen, Monywa khawpi ah bazaar kai, palik 3 cu kah an si ih 1 cu a hmun ah a thi.

Palik 2 lawngte hriamhmapi thawn lusam mang loin an leu, tiah Special Forces-11 ih tuanvoneitu in a sim.

December 20, simlam nazi 2:40 hrawngah Monywa khawpi hmun pakhatah bazar kai dingih poksuak palik 3 cu lamzin ah an kap.

A kaptu pawl ih Monywa peng,  (ပ.က.ဖ) le Monywa peng,  (ပ.လ.ဖ) mipi ralkap pawl an si.

Mipi ralkap pawl cun lamzin kel ihsin an rak bawh cia ih hmunbur ah an rak zit ciamco.

Palik pakhat cu a hmunah a hngal that ih palik 2 lawngte ke hnih phawi in an tlanhlo, tiah theih a si.

An kah thahmi palik 1 hnen ihsin meithal 1, 9mm cerek 15, ziandawng 1 an laksak thu, mipi ralkap pawl himdamten dung an kirsal thei thu theih a si.

Be the first to comment

Leave a Reply

Your email address will not be published.


*