Ayeyarwady ramthen, Labutta District, Mawlamyine tikulh (Island) ah kum 52 ih upa U Myo Lwin timi cu kum 7 mi nauhak nute cu a zahmawh a puahcok ruangah an kai.
Mawlamyine tikulh peng, No. (11) veng, Thida Win lamzin ih um kum 7 mi nauhak nute cu an inn ah a nu le pa an um lo sungah lamzin thler khatih khawsa an sungkhat U Myo Lwin timi pa cun a thlem ih a puahcok, tiah theih a si.
An sungkhat U Myo Lwin cun nauhak nute cu a nu le pa an um lo sungah an inn ah a hruai ih a puahcok.
Nauhak nute ih nu cu inn a tlun tikah an inn ah a fanu a hmu lo ih a hawl. An sungkhat U Myo Lwin tei’ inn ah a va hmu ih a hruai tlung. Nauhak nute cun U Myo Lwin in a puahcok thu a nui’ hnenah a sim.
Curuangah a nu cun an venglal hnenah a sim ih an venglal cun palik hnenah a sim sawng.
Palik pawl in U Myo Lwin kum 52 cu an kai ih thubuai tuahsak dingin sakhan ah an hreng.
Leave a Reply