Innsang thenkhatah vanduainak ruangih nu-ei, pa-ei tuar an um theu. A tlangpithu in nu-ei hnakin pa-ei hin an fate hmuhmi an zoh tha thei sawn.
ALena kum 31 hin fapate Vova Pashchenko kum 5 mi a neih hnuah a pasal thawn thenaw in Sergei Bugorkov timi pasal a nei. Nauhak Vova Pashchenko ih hrangah cun Sergei Bugorkov hi a pa-ei a si.
Pa-ei tam sawn cun fa-ei hi an ngaih thei zet laiah Sergei Bugorkov cun a nupi ih fa-ken Vova Pashchenko cu a hmuh in a hmu thei lo.
Curuangah Sergei Bugorkov cun nauhak kum 5 mi a fa-ei cu a that ih a phum.
A pasal in a fapate a thah cu lungkuai in um loin Alena cu a pasal a duhdawt tuk ruangah a fapa ih thihnak cu thuhhlo dan an tawlrel.
An nupa cun nauhak Vova Pashchenko cu ah picnic fehpi ih hlo vekin thuhla an phuah. Nauhak an phumnak kiangte ah innsang nuamtawl (picnic) tenau an tuah ih cutawkah an fapa hlohter vekin an rel.
Palik hnenah an fapa an hlohter thu an report ih palik pawl cun nauhak Vova Pashchenko cu an hawlsak rero.
Asinan Russia ram thlanglam acozah sihni cun nauhak ih pa-ei Sergei Bugorkov ih mithi ruak a thiarsuah lai CCTV ih an zuk ngahmi an hmu. CCTV cun inn sung ihsin dip dum in thil a thiarsuak lai an hmuh ruangah rinhlelh in thu an sut.
Sergei Bugorkov cun thilthlen dan pheh loin a rel thlang. A nupi ih fapate thawn thukam an elaw ih a thah thu a phuang.
Nauhak pate cu a ke le a kut in a sit a thong ih a tluk lai hlanlo a velh ciamco. Nauhak cu a pa-ei ih hmual tuar loin a tlu. Zohman thotu le tuamhlawmtu nei loin zanvar a tluknak hmunah a riak cih.
A thizing an va zoh cu a rak thi zo.
Nauhak pate ih thih thu ah a nu rori cun a pasal mawhthluk lam loin a sual a thuhsak ih hramlak ah an phum.
Cumi hnuah innsang picnic fehnak ah an fapate an hloh thu palik hnenah an report a si cu!
Hi thilthlen ni hi June 8 ah Krasnodar Krai area of southern Russia ih thilthleng a si ih June 10 ah a thitu nauhak pate ih pa-ei cu kaih a si. A nu khal thubuai tuahsak a si ve.
Leave a Reply