Oxygen lei ih an leimi Gas a rak si, mina a thih phah

Tui’ Myanmar ram dinhmun ah Covid-19 hrangih an harsatnak bik cu tuamhlawmtu sibawi le sivai um lo hi a si.

Mahte innsang ih tuanhlawmawk cio a si ih Oxygen khal mahte ngaihtuahawk a si tlangpi.

Cumi laiah thinlung tha lo zet, mai’ hlawknak lawng ruattu an um ih cu pawl cun Gas thawl kha kholhfai in Oxygen thawl tiin an zuar. Cumi cu mina mangbang tampi cun theithiam loin an lei ih an thih phah.

Kan dungte khalah nu pakhat cun thawl khat Tingnga (500000) in thawl 6 an lei sual thu a post dah zo. Annih cu an hman man hlanah an theih lohli ih a ziate a um lai.

Tui’ video ih kan hmuhmi cu nupinu pakhat hi Oxygen hmang tiih an leimi Gas thawl a hawp ruangah a thih phah. A taksa khal acid ih eimi vekin a dup.

Be the first to comment

Leave a Reply

Your email address will not be published.


*