1. An ukaw thei, an felfai-October thla suak pawl hi an nungcang a felfai, anmah le mah an ukaw thei.
Midang in tongkam siava in an biak caan hmanah thinheng loin awka thaten mi an be thei. Anmai’ ruangah midang parah natnak a thlen ding, an duh dah lo.
2. Thudik an ngaina-October thla suak pawl hin thudik an ngaina zet.
Khatlamzawng ih rel cun tlawng saya/mah lole sihni (lawyer) tuan an tam duh zetih ziangvek buainak a thlen hmanah thudik lamah an tang theu.
3. An thin a fual-October thla suak pawl thil pakhatkhat an tuah ding caan, thuhla pakhatkhat tawlrel a tul caan ah ‘vuk le vekin’ an cangvai lemlo.
Ciamciamten, nuamnaiten thu an ruat ih a tha bik an polsuah ngah hnu lawngah thil an tuah fang theu. Manhlap zetin an cangvai dah lo. Khatlam ahcun an zam khal a fung zet ih an tlai deuh ringring.
4. Thiamzung (art) an thiam-October thla suak pawl ih talent neih that zetmi cu art lamah a si. Hlasak, awnmawi le zuksuai, cangan thiamnak pakhat tal hleicetnak an nei cingcing.
Anmah khal an thluak a tha ih an paihzawng, an aatcilhmi parah hlawhtlinnak ropi an ngah theu. An umlak caan ah casiar khal an paih zet.
5. Rannung/thilri an lawm-October thla suak pawl hin midang hnakin thil le ri, rannung an ngaina.
Mipa an si le rannung uite, zawhte, sabek fate tivek an ngaina ih nunau an si le pangpar mawitete, thilri mawi an hmuh caan khalah mit la kiang lo rori in an zoh paih.
6. Mi hipnak huham neitu-Duhdawtnak lamah anmai ruangrai, hmel ih zir loin mi hipnakte an nei, ‘iang’ an nei kan ti pei cu! Ngaizawng lawng si lo, rual le pi khal an ngah duh zet.
Mipa an si le rualpi ah nunau khal an nei ih ngaizawngaw khal si cuang lemloin an kawm men. Nunau an si le ngaizawngaw si loin mipa rualpi an nei duh zet ve.
Curuangah October suak ngaihzawng na neih ding asile na thikthu siat lo ding a thupi, ziangahtile rualpi a nei tam tuk ruangah!
7. An lungput theih a har-Taktakte cun October thla suak pawl hi nel an theih lo, puanlang, langtlang zetin an um tuk lo.
Curuangah an duhdan, ngaihdan theih a har tuk, an lungput hrimhrim kaih a har. Anmah in le ‘hihi ka duhdan a si’ tiin an relsuak dah fawn lo.
An kiangkap, an ngainatmi taktak hmanin an mizia, sinak ngaingai theihsaktu an um lo ding, ti tlukin an thupaw men.
Curuangah na ngaizawng a si ahcun lungsauten na tuar thiam a tul ding. Thusuhnak an ngainat vak lo thawn thu khal na suh hnuaihni lo a tha ding!
8. An hlurh, an law tuk lo-October thla suak pawl hi a tlangpithu in an law tuk lo. Natnak lolamte men khal bese zet vekin an um.
Nisa an tuar thei lo ih khawsik khal an tuar thei cuang lo. Curuangah hi pawl thawn nan duhaw asile na duat thiam a tul ding.
Asinan anmai phurzawng ahcun hriamhma nei cingin an tuah paih thotho, ti lawngte theihpi a tha.
9. An ngawngtawh-October thla suak pawl hi a tlangpithu in an ngawngtawh (lungruh) zet.
An duh lozawng simaw, an pom lemlomi thu parah an hnar hri in hruai rero khal sehla mi an thlun maimai lo. Asinan a lemtei’ lem thei ahcun thu an awih zet thung.
10. An zuva lo, an hirha lo-October thla suak pawl mipa/nunau an si khal le mi zuva, mi ler, mi hirha an um lo.
An nuncan, ziaza a thiang ih zuk le hmawm an tham lo. Biaknak khal an sunsak ih mi bom duhnak, mi zawnruahnak an nei. An ei ai khal midang pek duhnak tiangin an tirh a siang.
Leave a Reply