Nuthlawi lungleng Amber Heard velthemtu a nei

Huleng Amber Heard cun a pasal hlun Johnny Depp thawn thuthennak zung ah innsang buainak ruangih an puhawkmi thubuai lairelnak ah nehnak a co ta lo.

Curuangah Amber Heard cu beidong in a um cuahco ih amah rak ngainatu mipi tam zetih mawhthluknak khal a tong tam zet.

Culaiah Saudi Arabia mipa pakhat hnen ihsin neiaw dingin sawmnak a dong, tiah NDTV cun a tarlang.

Amber Heard ih bulpak Instagram account rori ah audio in Saudi Arabia pa cun a kuat ih, ‘Anih cu a pasal hlun hnakin khui maw khua in a that sawn ding, thu a rel.

“Amber Heard ee, na hrang lamzin a pih bepbep laiah keimah siarlo lo cu-khatu an um zik lo. Nang cu mi thenkhatin an lo hua ih an lo hmuhsuam ti ka thei.

Curuangah lo nei dingah thuthencatnak ka tuah rumro zo. Kan pahnih hin Allah pathian in thlawsuah in pe hram seh. Nangmah hrimhrim hi thlawsuah phurtu na si. Asinan na sinak hi zohman in an theithiam duh lo.

I zum maw, kei hi patar (Depp) hnakin khui maw khua in ka tha verver sokhaw,” tiah Gulf News cun Saudi Arabia pa ih tongmi an lehsak.

Hi audio cu Bee4andafer-kw timi Instagram account ah thlah a si ih ni thum sungah a zohtu million 1.5 lenglo an kim man, tiah theih a si.

June 2 ahkhan US thuthennak zung ah a pasal tlun Johnny Depp le huleng Amber Heard tei’ pahnih cu thangsiatawknak thubuai ruangah khatlam khatlam leirelsaknak an nei ih Amber Heard a sung ta riai.

Cutin lungkuai vansanglam ih a um laiah tuvekin Saudi Arabia pa cun neiaw dingin vel a rak them.