Nunnak thaw a neimi rannung siseh milai siseh kan upa vivo ih kan harhdamnak a siat vivo.
Damlonak pakhatkhat in in cimbuai ih a netnak ah kan lamzin cemnetnak thihnak timi kan thleng theu.
Thenkhat cu natnak khal um riai loin accident-nak siseh, vanduainak pakhatkhat ruangah kan nunnak a cem theu. Zohman in kan thih ding kan theicia lo.
Asinan thenkhat cun an damlai rori ah an taksa parah thu sia, ngaih thatlonak pakhatkhat a thleng ih mai’ thih ding theicia vekih tuartu khal an um.
Tubaite Thailand social media ih lar zet pakhat cu nurse nu kum 25 mi Kanyanat Sirichoke ih thu a si.
Anih hi a damlai rori ah a taksa ihsin rimsia a suak ciamco ih a ngaih a tha thei lo. Curuangah phungki hnenah a va zohaw.
Phungki cun anmai’ sakhua serh le sang an neihmi ihsin nurse nute ih umdan cu a rak zoh tikah a thinnuam lo zet.
Curuangah nurse nute cu zamrang zetin inn ih tlung dingah a rak fial. Nurse Kanyanat Sirchoke khal lungphang in phungki tlawng a suahsan. Asinan a thinhar tuk ruangah inn ah tlung lohli loin a motor sungah camkhat a to ngiongi lawk.
Cumi theh in a motor cu a mawng ih lamzinpi ah a va suak. Minute reilote a tlansuak man, tiah Truck dumpi a va pah tariai.
Nurse nute cu hriamhma bese zet a tuar ih a hriamhma tuar loin a thi, tiah Thailand social media ah an thlah.
Hi thilthlennak hmun hi Samut Songkhram Province, Plai Phong Phang Sub District, Mae Klong bazaar kiangah a si ih 2022, July 1 ih vanduai thleng a si.
Leave a Reply