Pulhhri ih a kentelmi leiltun sumdawnnak tlaksiat vivonak ah mai’ taksa zuar ih pumcawmtu hlawhhlang pawl tiangin a hrut tel thluh.
Hi thu cu Nurse a sinak bansan in hlawhhlang hnatuantu Massachusetts lengdawh Allie Rae in fiangfai zetin a rel.
Anih hi Nurse a tuan laiah kum khatah US Dollar 84,000 a hlawh theu ih cumi a hlawh cu khopkham loin hlawhhlang hnatuan dingah OnlyFans ah a lut.
Kum 38 mi Allie Rae cun hlawhhlang hna a tuannak ihsin thla khatah US Dollar ting hnih (200000) a lalut theu nan, leitlun pulhhri ruangah tu-ahcun a thlahlawh 25% a tlaniam zo, tiah a rel.
OnlyFans model tampi khal an thlahlawh 50% lai a tlaniam, tiah a rel fawn.
“A hlan hnakin nasaten ka zuam. Asinan pitling zuknung ka cannak in zohtu mipi an kiam tuk lawmmam ih kel ka awh thei nawn lo,” tiah a beidong thu a rel.
Anih hi OnlyFans hlawhhlang sumtuahnak ahcun sumlut that lamih hmaihruaitu model a si.
Hiti lawmmam ih sumlut a tlakniam vivo ruangah sungtel Model thar hrangah an hmakhua a pit zet thu a rel fawn.
Cuhleiah OnlyFans website ih pitling zuknung an tuahmi pawl sumpai cem in zoh duh loin rak copy sawngtu khal an karh vivo ruangah tuvekin sumlut a thathnem thei nawn lonak pakhat a si, a ti hrih.
Sumdawnnak a tlaniam vivo, Ukraine-Russia buainak, sumpai thang tuk, Oil man khir tuknak hin hlawhhlang khawvel tiangin a hngor ban thluh.
OnlyFans timi cu London ih hrambun nunau-mipatnak zuknung tuah ih sumhawlnak a si.
Leave a Reply