Nupi na neih tikah hi thu (10) pawl hi thlun thei zuam aw

1. Ziangkim tan in: Na nupi cun dunglam a sinak a nu le pa, a sungkua tan ngam in na dung a lo thlun. Ziangvek tlangsang, ziangvek horkuam na zawhpi hmanah a lo rinsan tuk zo ruangah ṭuanvo na lak ngam a ṭul, ti kha hngilh hlah.

A nunnak pumhlum na kut ah a lo ap ngam ih nang khalin a nun kekkuai lo dingin na dimdawih thiam a thupi tuk.

No description available.

2. Rualremnak: Na lawipinak nan innsang ah sungtel (member) pakhat a karh ruangah thinlung canaw lo, thu hmuhawk lonak tampi a suak thei, ti kha thei cia aw. Na nupi le na sungte pawl an komngaihawknak dingah nangmah na poimawh tuk.

Nan innsang ih mizia na nupi sim thiam awla na sungte pawl hnenah na nupi ih sinak thup riai loin pholang ngam aw. Cucun khat le khat pumkhatnak a suahter.

3. A simten sim aw: Nan innsang ah na nupi cu mothar a si laiih a harsatnak na theihsak a ṭul. Thil lolamte men khal na sim paih a ṭul. Nan fangfai suan zat, nan haite le hmunphiah retnak tiangin sim paih aw

Nangmah siarlo mithmai zoh ding a neih lo ruangah a lo suh ngam lo tiangin theihthiamsak aw.

No description available.

4. A mamawh theihsak aw: A ṭulsammi thilri, hnipuan, nunau an si vekin ceiawknak teknekte tiangin theihsak aw. A rak todelhaw lo vio a si ahcun nangmah in na mitmei thiam ding ih a lo sim rero ṭul loin leih aw.

5. Lensan hnuaihni hlah: ‘Nupi ka nei zo pam’ tiin na nupi inn ah tan in a ṭul loah lensan hnuaihni hlah. Na lensan asile na nupi cu umhar takin zinfe takin a rak um ih na ra tin lai hlanlo mitthli hal ṭeiṭei in a lo thlir, ti thei aw.

Na lensan tam a si ahcun ‘ka pasal in i iai a si hi’ tiah a thanau zet nan, a lo dawn ngam si lo.

No description available.

6. Rualpi kawm tuk hlah: Nupi na neih hlan vekin tlangval laiih na rualpi pawl kawm tuk hlah. Ziangahtile annih cu nupi nei hrih lo an si ruangah nan key a kaihaw nawn lo.

Annih cu inn lamah nupi seherh ding an neih lo ruangah zalen zetin kotthler tin an hrut thei, asinan nang cu na zalen nawn lo, duhdawtnak ih lo uktu na neih zo kha…

7. Thengh-aw nasa aw: Nupi na neih hlanih na ziaza pawl thengh theitawkin thengh aw. Vei hnihkhat zu hnawm ṭheu na si le bang aw. A tlun lamih kan sim zomi lenvah, rualpi kom tivek pawl a ṭul lo ahcun na taw-za hlah seh.

Zangzel deuh na si tla le lawtsuah aw, ziangahtile nupi lawng si lo, fate hman nan nei lai ding. Tangka tenren dan khal na zir natsat a ṭul.

No description available.

8. Lilawn si aw: Nupi na neih zo vekin na sungkhat le na nupi karlakah pehzomawknak lilawn si aw. Khatlam hrangah lei tuk hlah awla khatlam hrang khalah hrap tuk vekin donaw aw hlah. Zawh nuam zet lilawn na si a ṭul.

Na farnu pawl in na nupi tlinlonak an lo sim khal le zum ṭheh hlah la, na nupi in thu sia a lo forh pang a si khal le ziangkhal sawn lo’n thlun luailo hlah.

9. Makpa ṭha si aw: Zoh hman an zoh sian lo an fanu, an lo neihter hman hi nitinten na pi le pu lungawithu sim ringring ding na si. Asinan, an duhmi cu ‘makpa ṭha a si. Na pi tei’ lam zohkhen an ṭul caan, bom an ṭul caan ah na taw-rit hlah, pok vurvo aw.

A cangthei ah tla cun an lo sim hlanah nangmah in ngaihsak aw. Pi le pu’h lungawinak na tuah asile na nupi khal a lungawi tel, ti khal mang ringring awla nupi an lungawi cun boruak a feh sual dah lo!

No description available.

10. Pacang takin um aw: Taksa cakhiarnak menah nupi nei pawl cu an sirawsal ṭheu. Asinan pitling lamzin a zawhtu cun sirawknak an nei dahlo. Hi zawnah mai duhmi nupi neih ngah ruangah ziangkim a tluang theh cuang lo.

Zatlaknak, siatralnak, harsatnak phunphun in mi a cimbuai duh zet. Cumi hrangah timtuah cia awla pahtlang thei dingin sekkhalaw cia aw.

Be the first to comment

Leave a Reply

Your email address will not be published.


*