Iran ram, Tehran khawpi ih Azadi Tower kiangah mino nupa tuak khat cu an laam lai video social media ah a darh nasa ih thuneitu pawl in thubuai tuahsak in hremnak an pe, tiah theih a si.
Social media hi share tu ngah tam zet hi viedo cu kum 21 Astiyazh Haghighi timi nute cu a koppi kum 22 mi Amir Mohammad Ahmadia thawn an laam. Thuneitu lam in an serh zetmi cu nunau hin an sakhaw daan vekin puan in a lu a khuh lo ruangah a si, tiah an sim.
Thuneitu pawl cun hi nupa tuak khatte cu nungcang mawi lo thehvorhtu, rampi humhimnak siatsuahnak dingah mipi huikhawmtu an si tiin kum 10 thawngtla dingin daan an tat, tiah Human Rights Activists News Agency (HRANA) in an sim.
Iran thuthennak ih kuttang Mizan thuthang cun annih pahnih hi rampi humhimnak derthawngter dingin an tuah hrim ruangah kum 5 veve thawngtla dingin daantat an si, tiah a tarlang thung.
Mipi lun zetnak Azadi ah nupa kop khat cu 2022, Actober 26 ah an laam ih mipi in an pan ciamco. An laamnak video cu Instagram ah post a si ih lawm le thapetu an ngah zet.
Leave a Reply