1. Nunau pitling cun harsatnak a ton ih a ṭah caan khalah mi hmuh lotein zan khawthim ah a ṭap men.
Cule zing a tho ih hmai panten sun khawtleu a hmangsal. Thanau caan le beidong caan ah a mithmai a seter lo, lungawi hmel a pu thei thotho.
2. A parih siatsuah duhnak thinlung in elrelnak a ton caan ah fimvar zetin a sawn ṭheu.
Zahumnak hi a nunnak pakhat tlukah ngai in a ṭuldan in zakzum zetin a khawsa thei.
3. Mipa vekin a thazang a cak lo, a derdai zet ti a theiaw ko nan, thahrum hmang loin a remruah khawkhan thiamnak in hna a ṭuan.
Hna ziangkim a ṭuan thei thluh ih mipa zaran ih bang rual lo, a si.
4. Thinbang le thanau caan um hmanseh mi ih theih loin a tuar tluansuak ih a hringnun hngetkhoh dingin tikcucaan a hmang.
A felfai ruangah mi ih rinsan a hlawh ih amah le mah khal a rinsanaw ko. Hi ruangah puarthaunak ah a hman phah cuang lo.
5. Anih cu a phenthlam menah zoh mawi lo hmanseh, amah taktak hmutu pawl in ngaisannakte an nei.
Cucu ziang a si ti le thianghlimnak, ziaza ṭha in a ceiawk thiam ruangah a si.
6. Ṭong tam hnakin ṭuan tam a hlawkzia a thei ih mi lakah a tlokribak dah lo.
Hnaṭuannak ah siseh, rualpiza lak khalah ṭuan tam bik ringring a si ih mi ih zohṭhimtlak nu a si.
7. Awm nem le lunghno ol zet a si nan, leitlun harsatnak ziangvek khal a tuarsuak thei.
Cuvek lamah a pau a khoh ih a tumtahmi cu a ngah lai hlanlo a zuam ṭheu. Mipa tampi ih tluk rim nam lo nunau pakhat a si.
Leave a Reply