Nunau pakhatih manmual cu bazaar ih zuarmi hanghnah/hangrah bangtukin tahṭhim a si. Kum zatin bikhiah a si ih an kum a dotdot zoh in an manmual a khun le khun lo a thlauaw vivo. A tanglamah kan zoh hnik pei!
1. Kum 18 tanglam nunau:
Nunau kum 18 tanglam pawl cu bazaar ah zingpit nazi 5 hrawngih zuarmi hanghnah/hangrah tharhlamte vek an si.
Zingpit nazi 5 hrawngih bazaar kaitu cun a tharhlam a hmuh tikah a man khal zilh lemloin a zuartu ih ngen zatin a lei hluahhlo men. Ziangahtile an manmual a ṭhat laifang a si. Nunau kum 18 tanglam pawl cu an hmui vanglai a si.
2. Kum 20 hrawng nunau:
Zinglam nazi 6 hrawngih zuarmi hanghnah/hangrah vek an si. Zingpit nazi 5 hrawngih bazaar tu in a ṭhaṭha a lei ngah hnu a tangmi lakih a ṭha umsun vek an si.
Hi caan ahcun an man khal nep/zilh an theih zo. Kum 20 kiangkap nunau pawl cu an man a khung tuk nawn lo!
3. Kum 25 kiangkap nunau:
Zinglam nazi 8 hrawngih zuarmi hanghnah/hangrah vek an si. Zingpit ih bazaar kaitu pawl ih an hril thluh hnu a ṭha a tang lem nawn lo.
Asinan mi ṭhenkhat mit ih hmuh ah laktlak deuh lai an hmu ih an va lei tum. Asinan nasa ngaiten an thil lei dingmi an hril thiam a ṭul ih an kunnguh zet zo.
A umzia cu kum 25 kim zo nunau cu a lei duhtu an um hmanah kunnguh zetih cekfelnak tuah hnuah a tlingtlakmi an si le an lei fang ṭheu.
4. Kum 27 hrawng nunau:
Himi caan ahcun zinglam ih a tangmi pawl ṭhenfai caan a si thlang. Tahṭhimnak ah hanghnah/hangrah a ṭawnnak phoihmi pawl ṭawn ṭhatsal a ṭul.
A ngaumi pawl hleuh ih hlon a ṭul. Hi caan ahcun a zuartu siseh a leitu siseh an pahnih karlakah a man relremcop a theih. A tikcu cu tlai deuh nazi 11 hrawng a si.
A umzia cu kum 27 hrawng nunau pawl cu a ṭha thei bikih an zuamawk hnuah an manmual siar fang ding, tinak a si.
5. Kum 29 hrawng nunau:
Zinglam thil mankhun tuk ruangih lei ngam lo pawl simlamah bazaar ih fehsaltu pawl in hanghnah/hangrah sehsolmi man olten lei an tummi vek an si thlang.
A tikcucaan cu simlam nazi 3 hrawng a si. Hanghnah/hangrah zuartu cun a zuarmi pawl an vuai hnianghni thlang ruangah tidai a phut, a theh rero thlang. Nunau kum 29 situ cu hanghnah vuai bangin an cuai zo ih ṭhaten ceibawl an ṭul thlang.
A lei duhtu an um pang asile man ol zetin an nepaw rero.
6. Kum 30-35 karlak nunau:
Simlam nazi 5 hnu cun hanghnah hangrah zuartu cun a thil zuarmi pawl khong ṭheh a duh tuk thlang. A leitu ih a man an zilh/nep hlanah ‘cu zat, kha zatin ka lo pe mai ding,’ tiah a au celcel.
Cuvekin kum 30-35 karlak nunau pawl cu pasal ton lo phangah an thinlung a manhlap tuk ih zo poh khal an duh vivo thlang, tinak a si.
7. Kum 35 tlunlam nunau:
Zan nazi 7 a si ih a thim zo. Asinan hi caan hi lunglutza caan a si. Ziangahtile thil zuartu khalin a thil zuarmi hmufiah dingin meito a vang ih a leitu khalin hmuhfiang tumin a bih rero ve.
A zuartu cun a lei duhtu ih mithmai a zoh ṭengṭeng ih man an nepawk hlanah lei lo phang ah a lei zat hnakih tam bet a man cia. A si, nunau kum 35 luan pawl cu rothil ken ding an ralring cia ih anmah duh lemlotu khal an neih hlawnthil emtu pasal an ton phah ṭheu.
8. Kum 40 ralkai nunau:
Hi ni cu zohman bazaar kaitu an um nawn lo. Ziangahtile cawlhni a si ih thil lei ṭulmi pawl an sekkhawl cia ṭhepṭhep zo. Kum 40 ralkai nunau pawl cu neih timah zohman in an tim nawn lo, tinak a si.
Leave a Reply