Nunau in palik 2 zu an hrai rit hnuah an meithal an laksak

Magway ramthen, Myaing peng, Myaing palik sakhan ih palik Myat Soe Kyaw le Myo Min Thein tei’ pahnih cu nunau thenkhat thawn zu an intlang.

Thinlung nei zetin nunau pawl in an zu inmi ah sivai an rawisak hnuah an meithal 1 le cerek tam zet an laksak. Palik hnen ihsin meithal le cerek an laksakmi cu Myaing PDF hnenah an ap fel zo, tiah tuanvoneitu in Yangon Khit Thit Media hnenah a sim.

“January 3, simlam nazi 3:45 ah Myaing palik sakhan ih palik Myat Soe Kyaw le Myo Min Thein tei’ pahnih cun mipi hnenah sumpai dil in mi an hringhro ih nunau thenkhat in zu an rak khilai hai.

An zu inmi ahcun sivai an rawisak ih an rit aat hnuah an meithal G3 pakhat, ziandawng pakhat, cerek 17, phone 2 le namsau 1 an laksak ih Myaing PDF hnenah an ap.

Sivai rawimi zu hi nunau pahnih in an inpi ve ruangah an talbuai ve. Asinan tu-ahcun PDF in an tuamhlawm dam zo ih tha zetin an kilkhawi, tiah theih a si.

Nunau pahnih hi hmuhtonmi an neih mal ruangah le ttihphan deuhnak ruangah meithal 1 lawng an laksak ngam.

No description available.

Sivai rawimi zu intu palik pahnih cu tu tiang an thi hrih buang lo ih an thuhla theihfiang tum in an zuam rero thu Myaing PDF ih tuanvoneitu in a sim.

Be the first to comment

Leave a Reply

Your email address will not be published.


*