Nunau hrang: Mipa tisa cak-hiar suahnak hmun (4) theihsak aw

Hihi cu nunau hrangah ngaizawng nei zo siseh, pasal nei innsang din zo hrangah a thupi hleice ih theih tengteng ding a si.

Kan ngaizawng lole kan pasal hin a taksa khuitawk zawn ka tongthamsak ah hiarhalnak a nei? Nupa sinak ah thathawhnak a nei ih a phur? tivek pawl theih a ṭul.

Mipa khal nunau vekin an tak a za thei ve ih an thinlung khal hiarhalnak le phurnak an nei ve. Cumi theihsak in nupa nun nuam zet hmang thei dingah nunau lamin timtuahaw a ṭul ve.

Mipa taksa ah hiarhalnak a suah tamnak hmun (4) a um ih cu pawl tla cu;

1. Hnakhang lole biang

Mipa pawl hi an hnakhang lole biang an duhdawtmi nunau in an kutzung nonal zetin a zutsak asile an thinlung a zangkhai thei zet. Diriamnak an nei ih an tak a za surso mai. Hi thu hi ihkhun parih mipa nun (Men in Bed) cabu ngantu Barbara Keesling ih simmi a si.

Curuangah nunau cun na ngaizawng lole pasal thawn nan cu-khaawk tikah a hnakhang lole a biang hrawng na kutzung no zet khan zutsak aw. A tak a za ding ih a thir cumco thei ding.

2. Liang

Mipa pawl ih thinlung lak theinak hmun pakhat leh cu an liang a si. Na ngaizawng lole na pasal thawn nan culnelawk tikah a liang parah na kut suang awla culsak aw.

Hitin mipa ih liang na culnel asile mipa pawl cu extra sensitive timi thinlung diriamnak, hlimnak le an cakhiarnak na coktho thei, tinak a si. Liang hi thinlung thathawhnak ah a sosannak bik hmun titu khal an um.

Na ngaizawng lole pasal thawn hmaiton in zohaw uh. Cumi hnuah na kutzung no mawi zet khan a liang duat zetin culsak aw. A hmel umdan na hminsin ding ih a mitmen pawl riaro ih na theih veten na kut lathla aw. Cutin duhdawtnak parzu nan tlantlang thei ding.

3. Tawcor:

Mipa tam sawn hin an tawcor thamsak an ngaih lo zet. Ziang sullam um lemloin an tawcor thamsak sehla an hua, an thinheng lamlam.

Asinan na ngaizawng lole na pasal thawn nan pomawk zik tikah mithmai panten, hni sersi phah in a tawcor thamsak awla a thinheng siang lo ding. Cutin a tawcor na thamsak tikah malte ṭhamsak phah awla theih tham loin a dir kha na thei ding.

Tawcor hi mipa ih sahuatnak a si vek nan, cakhiarnak cokthonak hmun poimawh zet khal a si. Amahbelte a tikcu na theihthiam ding a thupi zet thung.

4. Karlak:

Mipa kap karlak na purhsak ahcun malte dungah a sip dukdi ding. Khatlam ah nunau sawn in mipa karlak tham/tong/purh cu a luarkai tuk a bang!

Asinan pahnih thinlung hmuaw zetin nupa nun hman dingah mipa kap karlak ih na kut na duah thei asile na koppi in a thinlung thupten ‘zei’ a lo ti zet ding. Ziangahtile nunau menmen in hivek an thiam lo.

Mipa kap karlak ahhin cak-hiarnak a thuah ih thuah in a rak um. Cumi na thamsak a si ahcun ziangkim ah a rak hmin ṭheh zo, tinak a si. A puakkuai ṭheh zik tinak khal a si!

Innsang nei zo, nunau hrangah na pasal ih kap karlak na purhsak ṭheu asile innsang nomnak nan tep thei ringring ding.