Milai hi mi lakih kan tlanlen dan, kan ṭong dan le cangvaihnak ihsin ziangvek mi kan si timi a theihtheih zet. Kan manmual khal olsamten siar a theih.
Cumi lakah kan Hnih ‘Laugh’ dan hin kan mizia tampi a langter, tiah mifim pawl in an sim. A hleice in mipa hnakin nunau hin ‘hnih’ an duh ruangah an mizia theih/kaih a ol cuang.
Hnih dan hi phun thum ah ṭhen a si ih tui’ na pehtlaihmi nunau kha ziangvek mizia neitu nunau a si, ti na theih duh asile a tangih tarlangmi pawl siar hnik!
Dinhmun niam nunau pawl ih hnih dan (3rd Class):
1. Hni uak-o phah ih kutke cangvai pawl: Nunau zahkai lo, dinhmun niam pawl ih hnih dan cu mi lakah vainim kan puah men bangin a puak in an puak. Ringpi’n an hni. Cu hleiah an kiangkap minung pawl zung an khih, an beng.
2. Mitthli tla thluahthlo ih hni: Rualpi lakah hnihsuaksai le hnihsuai lemlo khalah mitthli tla thluahthlo ko ih hnih hmang pawl khi nunau mumal lo an si.
Hi dinhmun niam nunau pawl cu an thinlung a pitling lo. Khawruahnak an nei thuk loih a puan zet. Thu feh le thu tlung lam khal an thleidang thiam lo. Cu hleiah mi nautat an hmang bet.
Dinhmun lailak nunau pawl ih hnih dan (2nd Class):
1. Taksa ṭhia thlohthloh ih hni nunau: Titi thunuam rel caan ah taksa ṭhia thlohthloh ih hni nunau na hmu ṭheu ding. Hi pawl hi nunau laktlak lo zet an si tlangpi.
2. Rang hur bangih hnih hmang nunau: Ti-hngurhngo ih hnih hmang nunau an um. Mi sete paih zet an si ih anmah khal mi hawizawng lo an si deuh tlangpi. Ngiofio le ngol hmang an si.
Hi dinhmun laklawh nunau pawl cu rualpi ṭha ngaingai, ngaizawngtlak le nupitlak an mal. Mi dinhmun an theihthiam dah lo. Mi zawnruahnak an tlasam zet.
Dinhmun sang nunau pawl ih hnih dan (1st Class):
1. Ha lang fang in an hni: Nunau zahkai deuh pawl cu ziangtlukin hnihsuak an sai hmanah hnih uak-o an hmang lo. Ringpi khalin an hni lo ih a mawitawk zawn lawngin an hni.
2. Mit ih hni pawl: Nunau cungcuang pawl cu an ha lang riai lo, hnih awn khal suah riai loin an mitmeng in an hni thiam. Mit ih hni thiam pawl khi nunau zahkai bik an si.
Dinhmun sang nunau pawl cu mit lawngin an hni. An hmuihmel in a theihtheih. Hi pawl cun hringnun an thlir thiam ih mi harsatnak khal an theihpi. An kopmi ih mizia le sinak khal an zohnak mit in an kai lohli.
Leave a Reply