Nunau cungcuang pawl ih neihmi ziaza (6)

Mi zaran tlunih leng thei vohvoh nunau hleice pawl hi zo vek milai khalin an ngaisang. Cu lawng hman si loin mi ngainat an hlawh hrimhrim.

No description available.

Mi hip theinak huham an nei ih anmah hrimhrim khal boruak an hai thei tuk ruangah an duhmi an ngah hluahhlo men. Asile ziangvek nunau so, mi hleice kan timi? A tanglamah kan zoh hnik pei!

1. Mi an ring lo: Nunau hleice pawl cun nu le pa siseh an ngaizawng khal siseh an hringnun din khawsuahnak hrangah an ring huahhi men lo. Anmahten tumtahnak le an hmuitinmi hrangah an zuam. Anmah ah cuvek tuah theinak huham an nei ih mahte todelhawk an tum rori.

2. An ṭong ciamco lo: Ṭong tam tuk hi tikcu heukhauternak le mi banglonak phun khat a si, ti an thei. Mai’ hlawknak si lemlo, midang thinnatternak le a ṭul lo tiangih thu va rel zutzo hin ṭhansonak a thlen lo ti an theifiang. Cuhnak sawn in an tuahnak in an sinak an langter sawn.

No description available.

3. An tlaitluang: Nunau cungcuang pawl cun an hringnun hi tluangtlamten an fehpi men. An lung sungih umum thup loin tlaitluang zetin an rel men. An cangvaih dan hrimhrim ah zah an kai ih mi ih nel le ngainat khal an hlawh rori. Lemcan nun an nei lo.

4. An duhdawtaw thiam: Anmah le mah an ngaihsakawk ruangah mai’ siatnak ding khopin an nung lo. Mai hminsiat le thangsiatnak dingah zianghman an tuah duh lo. Diriam zetin hringnun an hmang ih mah le mah duhdawtnak thawn an tlangleng.

5. Ngaizawng an aatcilh lo: Nunau cungcuang pawl cun an hringnun par mawi suahnak dingah an zuam ih an thinlung duhnak, ngaizawng thu ah an khuahkhirhaw thei. Curuangah fala/tlangval duhdawtnak ah an ri buai dah lo.

No description available.

6. An thluak a ṭha: Annih ih danglamnak bik cu an thluak a ṭhatnak hi a si. Thil ziangkim hi an kai lohli ṭheu. Mi thawn an biakawk caan ah a tikcu le a hmun, a pehtlaihmi milai ih dinhmun pawl an kai lohli. Curuangah an cangsual har.

Be the first to comment

Leave a Reply

Your email address will not be published.


*