Nunau aa le nunau fim danglamnak (10)

1. Nunau aa cun a pasal hnakih fim sawnah a ruataw ih a pasal thu elkalhnak lawnglawng a hawl, innsungsang ah thu a nei bikih a uk bet. Nunau fim cun a pasal aatnak le tlinlonak a hngilh hrim ih a domso sawn, innsang ah a pasal thuneihnak a pe thiam.

No description available.

2. Nunau aa cun a pasal tlinlonak lawng a hmu ringring ih a thin a heng hliahlia, a hngir a ṭeu ringring. Nunau fim cun a pasal famkimlonak a hliahkhuh sawn riangri.

3. Nunau aa cun a tikcu le caan zoh thiam loin a pasal cu ziangtik lai khalah a dokalh, thukam a el ringring ih a pasal ningzak ko a tuah ṭheu. Nunau fim cun a pasal parah rel ding a neih khal le daitei um men a thiam thung.

No description available.

4. Nunau aa cun a pasal a hmuhsuam ih a zoh niam thei tuk. A netnak ah amah khal mi ih hmuhsuam le zoh niam a tuar ve ih a ning a zak ṭheu. Asinan, nunau fim cun a pasal a ṭihzah thiam emem ih amah khal mi zohṭhimtlak ah a suah phah.

5. Nunau aa cun caan liam zomi le thil hlun pawl phorhsuah a tum ringring ih tuah ṭhatsal theih lomi nun hlun ruangah buainak a thlen ṭheu. Asinan nunau fim thung cun hmailam a thlir thiam ih a pasal kut ah ziangkim a ṭhumaw ngam sawn.

No description available.

6. Nunau aa cun ei le in ding ta rori a ruat ih harhdamnak siatsuah tiangtiang in a ei hluahhlo men. Innsang sumlut zat khal ruat loin a duhduh a ei, a in, a lei ih pasal ningzaknak a thlen ṭheu. Nunau fim cun mai’ mamawh tawk harhdamnak le sumpai zoh in a ei, a in ih a tenrenaw thiam.

7. Nunau aa cun a pasal mithmai zoh nakcang thiam loin a duhduh a ti hluahhlo ih a pasal zinfe ko a tuah ṭheu. Nunau fim cun ziangkim ah a pasal thuron ta loin a tuah dah lo.

No description available.

8. Nunau aa cun a pasal sungkhat pawl ral zoh in a zoh ih a tawpah amah khal hmelma ah a suahaw ṭheu. Asinan nunau fim cun a pasal sungkhat pawl rualpi kom in a kawm thiam ih a netnak ah rualpi ṭha ah a suahaw thung.

9. Nunau aa cun a pasal ih tuah dingmi pawl ruahnak a pe zutzo ih amai thu hlirin a pasal umter a tum. Nunau fim thung cun a pasal ih tuah dingmi parah bawmtu ṭha si a tum ih a pasal thiltuahmi kipah a phurpi thiam.

No description available.

10. Nunau aa cun amai ṭanghma lawng a sial ih amai duhmi, ceiawknak thuamawknak pawl thawn a taksa parah a ben khataw ih a pasal le fanau pawl ziangtivekih an um khal le a poisa lo. Asinan nunau fim cun a pasal le fate pawl mawi zetin a thuam ih amah cu an phenah lungsi zetin a um thiam.

Be the first to comment

Leave a Reply

Your email address will not be published.


*