NUG ramdang palai in ASEAN cakuat

Myanmar mipi aiawhtu palai pawl thawn tonawk caan a cu, tiah ASEAN hnenah NUG ramdang palai Daw Zinmar Aung cun a sim.

Myanmar ram buainak thu thawn pehparaw in Daw Zinmar Aung cun ASEAN ramdang palai pawl hnenah ca a kuat ih Myanmar mipi pawl ih tuarnak rapthlak zet theihpi dingah le ASEAN hmailam kekarnak dingah thungaithlak ih thurelkhawmnak neih a tul, tiah a cakuat ahcun a ngan.

Cui’ tonkhawmnak ahcun NUG, CRPH, Tlangpar hriamkai pawlkom, NLD, CDM hotu pawl, ramkulh Federal cangvaitu palai pawl, tualsung pawlkom ih palai pawl le ASEAN hruaitu pawl thawn tonawknak nei dingin a dil.

NUG hin ASEAN thukham 5 a lungkimpi thu, asinan thla 20 liangluang a rei hnu khalah SAC ralhrang in zianghman a pitlin duh lo ruangah ASEAN thukham 5 khal zohthasal ih hlon a tul thlang, tiah NUG ramdang palai Daw Zinmar Aung cun ASEAN a forhfial.