SAC ralhrang in vanzam ihsin mi a kah theumi rak vengtu dingah vanzam ralveng hna tuan duhmi mipi pawl NUG acozah in February 16 ni ah kawhnak ca a suah.
SAC ralhrang ih vanzam cangvaihnak pawl a tikcu khel ih theih a si theinak dingah Air Force telin vanzam ttumnak, helicopter ttumnak pawl ah duty-tu le thuthang simtu tulsam a si thu NUG cun a tarlang.
Vanzam ralven hna a tuan duhtu cun NUG acozah ih Defense Ministry zung ih tuahmi Telegram ah pehtlaih dingin theihternak an nei.
SAC ralhrang hin 2022, March thla ne lam ihsin thok in anmah dokalhtu pawl umnak hmun le hriamhrei kai pawl umnak ah vanzam ih bomb thlak a cing thok.
Nikum October thla tiangah SAC ralhrang hin tlangpar hriamhrei kai pawl telin Myanmar ramsung ah vanzam ttum 240 in an kap hai, tiah NUG in a ngankhum.
Vanzam ihsin kahnak ruangah mawhnak nei lo, mipi 200 lenglo an thi ih inn le lo, sakhuanak inn pawl an siat, tiah theih a si.
Leave a Reply