Ramhrin dothlengnak pawlkom zaten a sangbik mi komkhawmnak thazang thawn kutkaiaw in SAC ralhrang uknak karsiat dingah NUG acozah Union Prime Minister Mann Win Khaing Than cu October 28 ah sawmnak a nei.
“Duhdawtmi ramhrin dothlengnak pawlkom pawl…kan karlakih hmuhnak bangaw lo pawl relkhawm tahratin atu rori ah kan rampi damlonak tuamhlawm dingin a sangbikmi komkhawmnak thazawng thawn lungrual zetin raldotlang dingah ka lo sawm hai,” tiah NUG Union Prime Minister cun a sim.
SAC ralhrang mangpa Min Aung Hlaing le a ho pawl hi Myanmar ramhrin zate ih doral lian bik a si timi a fiang tuk zo, tiah a sim fawn.
“Atu caan ah kan zaten lungrual in kan doral lian a zunghram copih kan karsiat thei lawngah dothlengnak ih nunnak liamtu paraltha pawl in dingthluk lairelnak an hmu thei dingih a ra lai dingmi thangthar nonawm pawl khalin hivek san sia tong nawn loin an um thei ding,” tiah a sim vivo.
SAC ralhrang hin ralkap le ralkap do ngam loin mawhnak nei lo, mipi parah a ttuan ih ziangtluk mi ralhrut a sizia a taw a hlipaw a si.
“Kan dungte, Kachin ramkulh Phakan, A Nang Pa ih mipi a that tla kha zoh hnik sehla. Cu lawng si loin Sagaing ramthen, လက်ယက်ကုန်း khua ih tlawngtla nauhak an thahnak, Sagaing ramthen, မုန်တိုင်ပင် khua ih mipi a burbur ih an thahnak, ဆားလင်းကြီး peng, ဒုန်းတော khua ih a burbur ih an thahnak, Kareni ramkulh, မိုဆို khua ih a burbur ih an thahmi, Chin ramkulh, Matupi peng ih tualsungmi a burbur ih an thahmi pawl liangluang zoh tikah leitlun daan ah sualmawh pisirh an tuahzia an langter zo,” tiah NUG Union Prime Minister Mann Win Khaing Than cun a sim.
SAC ralhrang cun a uknak fekter dingin an tefasin pawl nunnuam zetih an ret theinak dingah miphun le biaknak thleidang loin lamzin phunphun ih laithahnak a hreh hrimhrim lo. Hi an cangvaih dan hi milai thinlung an ken lozia theihpitu (tetti) rori a si,” tiah a sim fawn.
Leave a Reply