SAC ralhrang donak hrangah Special Combat Commando, Western Regional Command tangah Brigade (Tatmaha) 7 le Battalion (Tatzin (703) din a si zo, tiah NUG cun thu a suah.
Dokhamnak (defensive) ihsin do-nornak (offensive) ih thlengawknak hrangah Special Combat Commando din a si zo thu NUG Defence Ministry cun thu a suah.
Western Regional, Poeple’s Defense Force, tatmaha (7), tatzin (703) an din zo thu theihternak an nei fawn.
Atu dinhmun dothlengnak ahhin ralthuam neihmi cun dokhamnak (defensive) lawnglawng a si ruangah do-nornak (offensive) hrangah Special Commando din a si zo vekin ralthuam lam khal tampi an tulsam lai thu commander cun a sim.
Curuangah mipi hnenih kutdawh vivo a si ding ih mipi lam khalin nasaten thazang rak suak cio dingah Western Regional Commander Soe Moe cun June 21 ah thusuahnak a nei.
Western Regional, Gangaw peng saklam ah SAC ralhrang ih vulhmi Pyu Saw Htee pawl tor le seng an um ih annih pawl cun thla khat vei khat raltho theu in lamcaw le thilri mankhung pawl an ru theu, tiah tatzin (703) hotu cun a sim hrih.
Leave a Reply