NUG in duh vekin ral an do lonak sullam simfiang

Serh le sang ruangah ral cu ral vekin kan do thei lo, tiah NUG Acting President in sim.

No description available.

Serh le sang, daan le dun le milai covo thlunnak ruangah ral cu ral vekin kan do thei lo, tiah NUG Acting President Duwa Lashi La in a ttum 78nk tonkhawmnak ah a rel.

SAC ralhrang lawngte cun, ral nehnak pakhat lawng ruat in sursum le phungphaithlu loin ral an do. Kannih dothlengtu ralkap cun daan le dun tampi kan neih ruangah ral cu ral vekin kan do thei lonak a si, tiah NUG Acting President in December 13 ah a sim.

“Kannih dothlengtu pawl hin serh le sang, daan le dun, milai covo kan thlun ih ral cu ral vekin kan do lo. Ziangahtile policy, System le discipline felfaiten kan nei ih cumi lamzin zawh in kan feh ruangah a si,” tiah Acting President Duwa Lashi La cun a sim.

Khatlam ah a dikdawhmi raldo daan kan thlun vekin khatlamah mangmittokza ralhrang pawl kan thianfai vivo a tul fawn, tiah a sim bet.

SAC ralhrang hi sahuai hriammi men bangin Shan ramkulh saklam ah vanzam ihsin mipi le hriamhrei kai pawl khal thleidang loin bomb an thlak rero.

Hi an cangvaih dan zoh tikah raldonak lawngin mipi neh in tum. Khatlamah leipar ah ralhrang thazang a derdaizia an langter fawn, tiah a sim hrih.

Myanmar ramsung ahhin PDF Battalion 300 lenglo dinsuah a si zo ih pehzom in din bet vivo ding a si.

No description available.

Atu ahcun SAC ralhrang neh theinak mipi ralkap thazang neih a si zo vekin ralthuam khal hnianghnar zet pe thei dinhmun ah kan um zo, tiah NUG Defense Minister U Yee Mon (ရည်မွန်) cun a sim ve.

Be the first to comment

Leave a Reply

Your email address will not be published.


*