NUG cun tlawnginn siatsuah lo dingin thu a suah

Tlawnginn siatsuahtu cu ziang pawlkom an si khalah kan cohlang thei lo, tiah NUG in a ti.

NUG cun Myanmar ramsung tlawng phuan thu ah tlawnginn siatsuahtu cu zo vek pawlkom an si khal le kan lungkimpi thei lo ih kan cohlang thei fawn lo, tiah NUG ih Human Rights zung cun thu an suah.

SAC ralhrang in politics hmai phiahfainak ah tlawng phuan dingin a zuammi cu NUG cun a mawhthluk zet ih tlawng a phuan vekin SAC ralhrang hin humhimnak lamah tuanvo a lak ngam a tul, tiah a phut thung.

Cuhleiah dothlengnak tuahtu pawl thangsiatzawng in ramdang pawl ih rinhlelh dingzawngin tlawngta nauhak pawl hmang tahratin an cangvaih ding khal NUG cun a thlaphanpi zet.

SAC ralhrang cun June 2 ihsin tlawng on dingin thu a suah zo ih tlawng aptu tlawngta pawl hi rampi huap in million 5 lenglo an um, tiah theih a si.

Kan dung ni ahkhan Shan ramkulh, Naung Cho peng ah Fimthiamnak zung ah bomb a puak ih lailak tlawng uktu a thih hleiah mi thenkhat hriamtuar khal an um, tiah theih a si.