NLD MP pahnih in SAC ralhrang pehzom

Myaung Mya ih NLD ramthen hluttaw palai hlun 2 in SAC ralhrang an pehzom.

Ayeyarwady ramthen, Myaung Mya peng, ramthen hluttaw palai hlun U Thant Zaw Win cu NLD acozah san laiah Company hnen ihsin share a lak ve ruangah hminsiatnak nei zotu a si ih atu khalah SAC ralhrang ih pekmi ramthukhel pinsin hlawh dong rerotu a si.

No description available.

“U Thant Zaw Win hi SAC ralhrang in rampi thuneihnak an lak veten hloh ti thum in a hlo.

Atu ahcun Non CDM thawn an neiaw. Cu hleiah SAC ralhrang hnen ihsin ramthukhel pinsin hlawh a suah ringring.

Amah rak dinpitu mipi hmaisongnak nei loin tuvekin a khawsa cu ningsinza rori a si,” tiah Myaung Mya khawmi pakhat in a rel.

Cun, Myaung Mya ramthen hluttaw palai thotho Daw Khaing Zin Oo khal USDP mi le sa, U Win Ko Ko thawn kopaw tahratin Ayeyarwady ramthen ah acozah an din tum, tiah tualsungmi pawl in an sim.

“Daw Khaing Zin Oo hi SAC ralhrang in Daw Aung San Suu Kyi an kaih pekte ah duhphorhnak ah, “အမေ စု suah uh” tiih au hmaisabiktu a si.

Atu ahcun USDP thawn tangtlang in Ayeyarwady acozah an din tum, tiah kan thei. Anih khal ramthukhel pinsin hlawh la vetu a si hleiah an khua ah Bar a ong fawn,” tiah an sim.

Myanmar ram pumhuap ah Ayeyarwady ramthen hi SAC ralhrang donak ah thawmvang suah lo bik an si ih an MP pawl khal palap men bangih tthawn dualdo an tam bik, tiah ramthukhel hliakhlai thiam pakhat in a sim.

No description available.

SAC ralhrang cun a liam zomi August thla ah hluttaw palai pawl ramthukhel pinsin hlawh dil theinak caan a pe ih cumi ah NLD party ihsin mi 217 in dilnak an nei. Cumi lakah Ayeyarwady ramthen MP pawl an tam bik, tiah theih a si.

Be the first to comment

Leave a Reply

Your email address will not be published.


*