Mexican TikToker pakhat cun vur lai ruangah a hmur kang siatmi pawl TikTok ah a post ih a zohtu 13.3 million lenglo an um.
Mexican, Puebla khawpi ih kum 27 mi Maria Cadena timi nu cu May thla laiah khan Mexico City leng puaipi ah a feh ih nikhua a sat tuk vur ei in a taksa daihter a zuam.
Asinan neta ahcun a hmur pawl an khingkuai ih an kang ciamco. Vur le a hmur vun karlakah shock a ngah ih vur cu a hmur ah an rak lut/kop a si ti Cadena cun lehhnuah a thei fang.
Cadena hin vur a ei rero laiah vur pawl keksom in a hmur ei siat theh vekin a theiaw.
A video post mi ahcun a hmur cu meikang vekin an puar ih an kekkuai ciamco.
Cadena ih tuarmi vur ih ei siatnak nat hi damter dingin Samaritan nunau pakhat cun Tequila shot in a tuamhlawmsak. Asinan ziaum lam pan thei cuang loin a hmur cu a tir hnakih let hnih ah a thling ih a puar hnuah an kekkuai deuhdeuh.
Nikhua sa tukah cintawk um loin vur ei lo ding, tiah Cadena cun mipi pawl a forhfial hai.
Leave a Reply