British ram, Manchester khawpi ih Nightclub pakhatah ekinn sungah tleirawl kaihhremawknak a thleng. Tleirawl nute kaihremtu hi kum 14 mi suakthuan a si.
June 29 ahkhan Manchester khawpi ih ‘Gay Village’ tiih an kawhmi Bloom club ah suakthuan pate cu kaih a si.
Suakthuan pate cu rittheih sivai zuar in a relaw ih tleirawl nunau rual lakah a va feh. Tleirawl rual cun an rualnu pakhat le suakthuan pate cu ekinn sungah an lut, tiah an sim.
Minute 20 hrawng a rei tikah tleirawl nute cun suakthuan pate in a kaihhrem thu ekinn sung ihsin a lengih a rualpi pawl Massage a kuat hai.
Curuangah a rualpi pawl cun palik an ko cih ih suakthuan pate cu an kai. Asinan tleirawl nute in palik hnenah thubuai tuah a duh lo ruangah a kaihremtu pa cu an thlahsal, tiah theih a si.
Palik pawl hi zinglam nazi 5 hrawngah Ngihtclub tuahnak hmun an thleng ih an rinhmaimi suakthuan pate cu an kai ih thuhla an sut. Anih hi ID lem hmangin hitawk hmun lut a si, tiah an thei vivo.
Kaihhrem tuar tleirawl nute cun kaihhrem a sinak ruangah thubuai tuah a duh lo ih cutin kaihremtu suakthuan pate cu bail (amahkhan) in an thlah zalensal, tiah theih a si.
Hi club ih security hnatuantu pakhat cun ekinn sungah mi pahnih an um ti a thei cingin zianghman a tuah lo ruangah mawhthluk a si ih an Ngihtclub khal License an laksak ih thuhla a felfai hlanlo an kharter hrih.
Leave a Reply