Minung pakhat hin a dam sungah a ṭah caan ih a mitthli luang zat hi khawlkhawm sehla gallon 16 le hrek hrawng a sungral ding, tiah scientist pawl in an sim.
Asinan mi tam sawn hin ṭapsuak loin mai tuarnatnak dolh duh sawn an um. Ziangruangahtile ṭah hi ningzahnak ih an ruah ruangah a si tlangpi.
A tlangpithu in nunau hi an mitthli bawm a puan cuang mawsi ti ding khopin an ṭah a ben. Thil lolamte men khalah an tap purpo thei ih ṭhenkhat tla cu thi zik ko an ṭap thei.
Cumi lakah ṭap duh riai lo, lungruh taktak khal an um.Asinan cuvek minung cu siar theih an si ding. Mipa ṭahben taktak, nunau hnakih ṭah hmang zet khal an um lala. Asinan mi malte an si.
Minung kan ṭah ciamconak san bik hi kan lungsiat ruangah a si deuh bik, lungawi tuk ruang khalah ṭah a suak ve ko nan, mitthli luang thluahthlo khop cun kan ṭap dah lemlo.
Asile lungsiatnak a phunphun lakah ngaizawng thawn ṭhenawknak thu deuh kan ngan ding. Remcan lonak ruangah ngaizawng thawn kan ṭhenawk tikah maw, nun hlun ngai in kan ṭap ṭheu.
Mithli tla ih ṭah thluahthlo hi siatnak a si ciamco lo, a ṭhatnak tampi a um, tiah mithiam pawl in an sim. Cu pawl cu kan zoh vivo ding!
1. Thinlung a thiangfai: Ngaizawng thawn ṭhenawk ih tuarnak, hnawmhnok vekih hrutu pawl cu mitthli in a tlengfai ih thinlung a nuam. Thinlung phurrit hmuahhmuah a sawk zangkhai ih zang verver in mi a tuah. Helhkamnak, thinpitnak pawl an hlo ih thaw a suak vuarvi.
2. Ruahsannak thar: Ruah a sur ciamco hnuah nikhaw a ṭha ih ni-eng mawi a hung tlang ṭheu, ti kan theih vekin mitthli na sunbungmi pawl an kian tikah nangmah ah ruahsannak thar, nun lungawinak na sarsuak thei.
Curuangah mitthli hi thimkhawzing ihsin khawvel eng ah in hlangkaitu hmanrua ah a cang thei.
3. Taksa harhdamnak: Ṭah rei tuk cu a ṭha lo nan, tawkfangte men ih ṭah thiam hin taksa harhdamnak a thlen sawn. Kan mitthli ahhin hormone phun khat a tel ih cucu taksa ihsin a suak tikah harhdamnak a thlen thei, tiah mithiam pawl in an sim.
Ṭap thei lo, ṭap dah lo pawl hnakin ṭap thei phahphah pawl hin taksa, lung le sungril lam an harhdam, tiah an sim.
4. Ṭawlnak a si: Nunau tam sawn cun thau hnakin ṭawl an duh tlangpi. Ṭawl duh ah rawl hman ṭhiṭha in an ei ngam lo. Ṭap thei deuh pawl cu an taksa pian a mawi ih ziangvekin ei le in khal sehla a poinak a um nawn lo.
5. Ṭah caan thei aw: Ngaizawng thawn nan ṭhenawk ih ṭah na duh vio hmanah supaw deuh awla zan nazi 7 le 10 karlakah ṭap ṭheu aw. Himi tikcute hi kan taksa in ṭah a mamawh lai, kan taksa hrangih a ṭankai lai takfang a si, tiah mithiam pawl in an sim.
Leave a Reply