SAC ralhrang cun Myanmar rampi thuron Daw Aung San Suu Kyi cu tuni June 22 sun ah Nay Pyi Taw thawnginn ah kuat a si thu amah naihniamtu pawl in an sim.
Nay Pyi Taw thawnginn sungah hin Daw Aung San Suu Kyi hrangah a hranpaten room an saksak, tiah theih a si.
SAC ralhrang in Myanmar rampi thuneihnak an lak veten Daw Aung San Suu Kyi cu kaih a si ih zohman ih theih lomi hmun pakhatah an thup.
Cule ralhrang pawl umnak veng thuthennak ah motor in an thuhnak ihta an va hruaisuak theu.
Mani thuthennak zung ih thubuai zoihnitnak an neih tikah thuthentu cun Daw Aung San Suu Kyi ih umnak ding room an thehfel thu a rel.
June 23 ahcun Daw Aung San Suu Kyi ih thubuai cu Nay Pyi Taw thawnginn sungah zoihnit a si ding thu sihni pawl hnen ihsin theihcia a si.
Thaisun khi Daw Aung San Suu Kyi le sundawnnak lamih ruahnak petu Astralian Sean Turnell telin minung 5 pawl cu rampi thuthup daan section 3(1) © hmangin thubuai an zoihnit ding.
Myanmar rampi thuron Daw Aung San Suu Kyi hin Special Court ah thubuai (6) hrangah kum 13 thawngtla dingin daantat a si zo ih Min Aung Hlaing cun kum (2) a thumsaksal, tiah theih a si.
Leave a Reply