Naupai lai nu pawl hin thinharnak le beidonnak an neih tam tuk a si ahcun thla kim loin nau an nei, pound mal tuk lole naute fate tuk tivek an nei ṭheu, tiah hliakhlaitu pawl in an sim.
Cun, naupai laiah khawsak dan fimkhur tawk lo ruang khalah pum sung naute in an tuar, ti a si. Cu pawl kan zoh hnik pei!
1. Tawhawk, au ciamco:
Naupai laiah innsang, pasal fanau thawn tithiamawk lonak ruangah tawhawk, kutthlakawk tivek a thlen pang caan ah pum sung naute ih thluak a siatsuah thei, ti a si.
Innsang thukam elawknak a um tikah naupai nu cu a lu a hen, zan itthat thei lo, um nuam loin a tuah.
Cun, innsang ah phunawk tam, awka hro sia ih auhawk kungko caan a um tikah pum sung naute a rak zinfe ih thinphang in a um ve. Thluak kim lo, taksa vuai zetin a suak duh.
2. Thlumte (sugar) ei tam tuk:
Naupai lai ahhin thlumte (sugar) kan ei tam tuk asile pum sung naute in zirthiamnak lam thluak a hloh thei ih thil hminsinnak khal a siatsuah.
Curuangah thlumte (sugar), a thlummi thil tampi ei tuk lo, a ṭha.
3. Thinlung vaivuan:
Naupai laiah hin thinlung vaivuan, thinlung manhlap le thlengh-awk a ol laifang a si.
Thu phunphun ruat in kan thinlung a vaivuan tuk a si ahcun pum sung naute in a tuar phah.
Curuangah thinlung pitling zet, fumfe zetin um thei zuam sehla a ṭha.
4. Takkholh:
Naupai laiah takkholh a thupi ve zet. Tak kan kholh tikah tihlum kan hmang uar tuk ṭheu lawngte a ṭha bik lo.
Tihlum in tak kan kholh asile rei tuk tuah lo ding. Cun zan simpi hnuah le zing tukah takkholh lo ding, a si.
5. Ṭah:
Naupai laiah thinlung a no zet ih ziang thuhla um riai loin ṭah ciamco a ol zet. Cop le cop ah mahte thinheng ih ṭah a ol.
Cuvek caan ah sibawi sutron thei sehla a ṭha. Ziangahtile kan taksa in sambaumi pakhatkhat a neiaw duh ṭheu.
6. Thinlung natnak:
Naupai laiah thinlung a vaivuan duh zet kan ti zo. Tu cu thinnatnak pakhatkhat a thleng duh zet lala.
Thinlaunak, thlaphannak lole awka sia ih biak menih lungtur not ciamco a um pang asile sibawi pan lohli a ṭha.
7. Zan ihthat thei lo:
Naupai lakah 78% hi an itthat thei lo, ti a si. Ni khatah nazi 6 sung tal ihthat tengteng a ṭul rori. Cuti asilole pum sung naute ih taksa le thluak a rak cau thei.
8. Taksa cangvaih mal tuk:
Naupai laiah thau a si tlangpi. Asinan kan thau tuk sual asile nauneih a har lala.
A poi zet cu nu a thau ahcun naute khal a rak tum duh ṭheu. Naupai laiah taksa cangvaihnak tuah uar sehla nu le naute an harhdam.
9. Coffee in tam tuk:
Coffee ngaina kan si le umharphen le ihthat thei lo menah coffee in tuk lo ding.
Coffee daat hin pum sung naute ih thihri tiang a thleng thei ih a siatsuah thei. Ni khatah coffee khuat khat hrawng lawng in ṭheu ding a si.
Leave a Reply