Na koppi parah thil (6) tuah awla nan duhdawtawknak a fek sinsin ding

A caiawmi Fala/tlangval lole nupa nun ah a nuamzawng hlirin thil a feh thei lo. ‘Kannih cu kan toaw dah riai lo’ tiaw pawl khi zoh vivo sehla an thinlung a thianhlim ruangah a si lo ih thungaithlakin an nelawk lo ruangah a si sawn.

Fala/tlangval lole nupa nun a hngetkhoh ih thinlung hmutlangaw zetih kan um theinak dingah a tanglam pawl tuah phahphah a ṭha.

1. Thinheng:

No description available.

Kan kopmi kan duh lozawngih a um tikah thinheng ding. Asinan reipi thinheng lawngte a ṭha lo. Pakhat a thinheng asile a palhtu sawn in a lem ding. Cutikah lungawinak thar thawn koppi lakah a um theih. Thinhengnak cun thinlung a sahalter nan, lemnak awkam in a daiter thei ve ih pakhat le pakhat lakah theihthiamawknak a hringsuak.

2. Ngol:

No description available.

Thil pakhatkhat tuahtlang dingin relrem theih lo caan ah ngol hrim ding. Himi ngol hi kumkhaw ngol si loin ‘ngol bum’ men si seh. Pakhat a ngol tikah pakhatin a thlem a thlem dingih a netnak ah lungawinak a suak thotho. Ngol bumawknak ihsin lungput a kaiaw ih koppi thawn lungkhatten par tlan a theih.

3. Hnohcuk:

Koprem fala/tlangval lole nupa lakah hnohhnanaw lo tampi an um. Cuvek pawl cun kopawk ih manhlatzia an theithei dah lo. Na duhmi kha hnohhnan ṭheu aw. Asinan pitling lo mizia si loin duhdawt tuk ruangih hnohawk si sehla.

4. Thukam el:

Fala/tlangval lole nupa nun hngetkhohnak dingah thukam elawknak hi a ṭangkai zet. Asinan tawpcin nei lo thukam elawknak cu si lo hram sehla! Thukam nan elawk tikah thinlung muril hmuhsakawknak ihsin nelawk vivonak a suak thei. Asinan nehtu si va tum ringring hlah.

5. Thik:

A thikaw lomi fala/tlangval lole nupa nun ah duhdawtnak diktak a um thei lo. Asinan luarkai tuk si loin a mawitawk zawnten thikawk ding a si. Na koppi cu zo thawn simaw an biakawk na hmuh caan ah metau awla thik hrim aw. Hihi na duhdawtzia a langter ih na kopmi in a lo ngaina sinsin ding.

6.Lehhawh:

A duhdawtawmi fala/tlangval lole nupa nun ah lehhawh (terhawk) thiam a thupi tuk. Thil aatthlak zetih kan ngaimi le nauhak aate ih tuah ding menih kan ngaimi lehhawhawk (terhawk) hi koppi lakah duhdawtnak fektertu thil thupi zet a rak si ziar. Na koppi cu ṭongkam in siseh, taksa cangvainak in siseh lehhawh ṭheu aw. Nan siraw lo veve ding.

Be the first to comment

Leave a Reply

Your email address will not be published.


*