‘Na pasal ziangtin na that pei’ timi hmincawi in cabu ngantu Nancy Crampton Brophy cu a pasal thih thubuai orhter in damsung thawngtla dingah daantat a si.
A thil tuah tummi a hlankhan in rak simphuangtu Nancy Crampton Brophy kum 71 cu laithat dot hnihnak thubuai orhter in Oregon ramkulh thuthennak ih thuthentu cun sualmawhnak a nei, tiin thu a thensak.
A pasal a thahnak san bik hi Life Insurance US Dollar 1.5 million ro co ding a beisei ruangah a si ih 2018 laiah Nancy Crampton brophy cun a pasal Daniel Brophy a rak that.
A pasal a thah hlanah Pi Nancy cun, “Pasal palhnak” “Duhdawtnak piangsual” tivek cabu a rak ngan.
A pasal Daniel Brophy hi Oregon khawpi sungih rawldawr ah rawl suan hotu a si. 2018, June ah a pasal cu coka ih hna a tuan laiah meithal in vei hnih kah a si ih a thi.
Thahawknak a thlen tikcu ahhin rawl suannak hmun kiangkapah CCTV in Pi Nancy a teihoi lai an hmuh thu rawl suang pawlkom cun an sim.
Pu Daniel kah thatnak meithal vek ciahciah khal Pi Nancy in a lei ve, tiah palik pawl in an hmusuak vivo.
Pi Nancy Crampton Brophy cu a hlanih a cabu nganmi le a pasal thih dan an khaikhawm tikah amah rori a si, tiah laithatnak thubuai orhter in damsung thawngtla dingah daantat a si.
Leave a Reply