Myanmar ram buainak cu Kawl le Kawl buainak men a si ih hrolhawk kan tum lo: Wa palai

Atufang Myanmar politics dinhmun ah zo vek acozah khalin in uk hmanseh, Kawl miphun le Kawl miphun sung thu buainak men a si ih zo lam hmanah hrolhawk an tum lo thu Min Aung Hlang hnenah Wa ramkulh palai cun a sim.

SAC ralhrang mangpa Min Aung Hlang le ‘Wa Union Solidarity Party (UWSP) ih vice chairman U Lo Ya Ku hohami pawlkom cu Nay Pyi Taw ah May 30 ahkhan tonkhawmawknak an neih tumah tuvekin Wa palai hin a simnak a si, tiah official in thu an suah.

Wa palai pawl cun atufang Myanmar ram buainak cu thahrum suah ih cinfel a theih lo thu, ramdang pawl in Myanmar ram buainak daiter dingin an zuam mengmang ko.

Asinan netkhawt ahcun a pehparaw pawl lawngih tuahrem theih a si thu, tonkhawmnak ihsin a sang bik remdaihnak hawltlang dingah an dil thu an rel.

Wa ramkulh cu Myanmar rampi ihsin suah an tum lo thu, Defense lam le palai siarlo ah anmahte an ukawk thu, ramkulh le ramdinkhawm tiang ahcun remdaihnak thukam an kilkhawi ding thu, Wa miphun hin mahte ukawknak ramkulh din dingah an dil thu, khatlam khatlam buainak pawl ret tha tahrat in hmailam ah remdaihnak hrang tonkhawmnak cakter dingah Min Aung Hlaing hnenah an nor, tiah theih a si.