Myanmar Puaisa mi bumhmang an that, a thattu an kai

Thailand, Samut Prakan pengpi ih khawsa Myanmar puaisa Bo Moe Hein timi cu February 12 ah Myanmar mi 4 in an that ih mizan ah an 4 in an kai, tiah theih a si.

Puaisa Bo Moe Hein in hnatuan hawlsak dingin Thai Baht 10000 a ngen ih an pek hnuah hnatuan a hawlsak lo ruangih that an si thu, an rel.

“Kawl le Kawl si ko thataw hai. A hmaisa ahcun theih an si lo nan, CCTV zoh tikah an kai. Suitthi tla an laksak ruangah a thok ahcun suamhmang ah ruah an si.

Kaih an si hnu lawngah tangka bumawk ruangih thataw an si ti kan thei fang,” tiah Myanmar hnatuan pawlkom ih tuanvoneitu in a sim.

An thahmi Bo Moe Hein hi Myanmar mi le Cambodia pawl hnatuan hawlsak theutu a si, tiah theih a si.