Myanmar nute kaihhrem ih ur thattu Thailand pa daantat thlang ding

Kaihhrem ih nupa sualnak a tuahpi hnuah meisa in ur thatmi Myanmar nute Ma Myint Myint Khaing ih thihnak thubuai ruangih an kaihmi Thailand pa cu a ra lai dingmi September thla ah daantatnak an nei ding, tiah hnatuan pawlkom ih palai zung cun thu an suah.

May be an image of 8 people and people standing

Nikum November thla ahkhan Thai-Cambodia ramri ah Myanmar nute Ma Myint Myint Khaing cu kaihhrem a si hnuah meisa in ur that a si.

Thailand daanthiam (lawyers) le Myanmar daanthiam pawlkom cun Kabinburi thuthennak zung ah zuáš­humnak an rak nei.

Mani June 6 ah thuthennak zung ahcun Ma Myint Myint Khaing ih thihnak ah theihpitu mi 3 ih tongkamsuak ngaithlaknak an nei ih sirhsantlak thu 18 pholangnak an nei.

Sual tuahtu lam khalin a sualmawhzia thuphacawinak le phuanawknak a neih zo ruangah 2022, September thla ahkhin daantat thlang ding a si.

May be an image of 5 people and people standing

Cuhleiah Ma Myint Myint Khaing innsang pawl hnenah zangnadomnak sumpai thla khatah Thai Baht 5000, kum 40 sung pe dingah dilngennak an neih ding thu theih a si.

2021, November 14 ah Thailand-Cambodia ramri ah kum 21 mi Karenni nute Ma Myint Myint Khaing cu amah thawn umtlang nga kaihnak sur tuahnak cetzung ih meisa lam hnatuantu Thailand mi kum 27 mi Boonlai Buarman cun a duh lo cingin nupa sualnak a hmanpi hnuah a ur that.

May be an image of 1 person and standing

Ma Myint Myint Khaing a hloh ih ni 5 hnu (Nov. 18) ah a ruak an hmu fang. Thailand pa khal a relhnak hmun ta an va kai.

Be the first to comment

Leave a Reply

Your email address will not be published.


*