March 5, simlam nazi 4 hrawngah China,Guangdong Province, Fashan khawpi ah Hay Lee (Mary) timi nu cu a rualpi pawl thawn off-day hmangin an inn sannak ah an umkhawm.
Hay Lee cu balcony ah tohkham ah to in kuak a fawp ih cutin a tonak ihsin a tla. A umdan diklo vivo in tawkfang a rei hnuah a thaw a cem, tiah theih a si.
A umnak inntekte in Ambulance motor an ko ih palik an hrolhawk vivo ruangah a rualpi pawl cu kaih ttih in an tlansuak thluh.
Hay Lee (Mary) hi kan thulaknak ahcun ‘Kawl’ miphun tiih theih a si ih a Facebook khalah Kale tiin a nganaw. Asinan bracket sungah ‘Mary’ tiin a ret tel ruangah Kawl si loin Chinmi a si zum a um. Comment thenkhat ah Zokhawthar lammi a si, tiah an ngan fawn.
Ziang a si khal le a post-tu Lal Pan Mawii cun, “Foshan ah pasal nei ih um, Myanmar nunau pawl hnenah bomnak a dil ih an pasal China mi in Hay Lee (Mary) ih ruak buaipi thei hai sehla, tiah duhthu a sam thu a tarlang.
Himi kan than tiangah a sungkhat unau pehtlaih theimi an nei hrih lo, tiah theih a si.
Leave a Reply