Mipi pawl zirnak an neih mal tuk ruangah fimnak an tlasam: Min Aung Hlaing

Myanmar mipi pawl zirthiamnak an neih mal tuk ruangah fimnak an tlasam a si, tiah SAC ralhrang mangpa Min Aung Hlaing in July 4 ah Pathein ih ralhrang hotu innsang pawl a vehvaihnak ah a sim.

May be an image of 7 people and people standing

Myanmar mipi pawl lakah politics theithiam an um vekin theithiam loih hit bepbep an tam. Hihi ziangruangah a si ti asile fimthiamnak sambau ruangah a si, tiah Min Aung Hlaing cun a sim.

Cuhleiah politics theih lo ruangah mi ih forhfial le taw-tok an ton ringringnak a si a ti hrih.

Rampi fimzirnak san a pehpeh ah kan tlai zet ih tlawngkai suak ngaingaitu an mal zet. Zirthiamnak kan tlaksam tuk ruangah fimnak khal kan tlasam, tiah tuni July 5 ih The Mirror thuthang ah an tarlang.

May be an image of 5 people, people standing and military uniform

Hi tonkhawmnak ahcun Min Aung Hlaing cun rampi tuanvo hi ralkap parah lotheihlo in in phurhmi a si ih ralkap hotu pawl le ralkap innsang lam khalin theihthiamnak nasa tak an neih ding a forhfial hai.

Ralhrang kuttang ih thuthang suahmi ‘The Mirror’ cun SAC ralhrang mangpa Min Aung Hlaing hin July 4 sungah Ayeyarwaddy peng ih ralkap hotu pawl vehvaihnak a nei, tiah a tarlang.

May be an image of 4 people, people sitting, people standing and indoor

Myanmar rampum ah cangan thei fangfang, casiar thei fangfang mipi an tam tuk ruangah zirthiamnak kan tlaksam thu, zirthiamnak tlaksam tuk ruangah fimthiamnak kan neih lo thu pawl a rel ih nasaten zuam a tul thu khal a rel cih.

Min Aung Hlaing hin 2021, February 1 ihsin Myanmar rampi thuneihnak a la ih amah dodaltu pawl kaihrem le thawngtlak, hrem that in a khawsa rero.

AAPP cun July 4 tiangah thawngtla 11000 lenglo an um zo ih cumi lakah 1200 cu daantat an si zo, tiah a ngankhum.

May be an image of 1 person, standing and flower

Thih daantatmi 115 an um zo, tiah AAPP cun thusuahnak an nei.

Be the first to comment

Leave a Reply

Your email address will not be published.


*