San a pehpeh ah Democracy le remdaihnak hrang nunnak liam ih zuamtu Myanmar misenpi pawl upat sunlawihnak an pek thu Myanmar ih US Embassy cun thu an suah.
US Embassy ih thusuah ahcun Myanmar misenpi pawl cu zalennak, Democracy le remdaihnak hrang tikcu reipi ihsin an zuam ih 1962, July 7 ah mi tam zetin nunnak an liam zo vekin 2021 February ihsin tuni tiang nunnak liamtu tam zet an um.
Myanmar misenpi pawl mai nunnak thap in zalennak, Democracy le remdaihnak hawl ih an cangvaihnak pawl upat sunlawihnak kan pe a si, tiah US Embassy cun thu an suah.
Mikip hin mah le phu tawk fimthiamnak, mai’ covo le zalennak hmang thei dingin manmual kan nei, tiah US Embassy cun an sim.
Tuni July 7 hi 1962 ah U Ni Win in tlawngtla tampi a rak thah cam a si.
Leave a Reply