Myanmar Idol Season 2 ih 3nk ngahtu Poe Mi cun a nunaupi ngaizawng a neih thu a phuang

Myanmar Idol Season 2 zuamawknak ih tel 3nk laksawng ngahtu zaithiam Poe Mi cun amai’ bangpi nunau thawn an ngaizawngawk thu theih a si.

May 31 ahkhan Poe Mi cun a ngaizawng thawn an thlazuk a post ih an thla thum hrawng an thlunawknak a rei zo thu theih a si fawn.

Poe Mi cun tui’ a kopmi thawn pehparaw in hitin a tongsuak.

“Amah thawn kan kopawk hnu cun ka hringnun (life) nasaten i thlakthlengh thei rori,” tiah a sim.

Milai cu mai’ zawh duhmi lamzin kan hril cio ih cumi cu kan nomnak, hnangamnak hrangah a si vekin kan lungthlitum relationship a si, tiah amai’ bangmi nunau koptu Poe Mi cun a sim.

A ngaizawng nunau thawn an kopawknak hi thla thum a rei zo ih phungki hnenah feh in thutiamkamnak khal an la, tiah theih a si.

Nunau le nunau, neih bangaw an kopawknak thu ahhin Poe Mi cu khatlam khatlam nu le pa ih lungkimpitlangnak a tel, tiah a sim hrih.