Muse ah PDF veve an kapaw ih 6 an thi

Shan ramkulh saklam, Muse peng ah November 23, zan nazi 11 hrawngah PDF veve an kapaw ih 6 an thi, tiah an sungtel lakih mi pakhatin a rel.

No description available.

Shan ramkulh saklam ih People Security Defense Army (PSDA) le PSDA ihsin suak ralthuam kai bur khat lakah kahawknak a suak, tiah an kahawknak hmun ihsin tlansuaktu Ko စဒန် cun a sim.

“An ra luh veten ‘phatsantu pawl’ tiah in kap cih. Thuhla zianghman simfiangawknak um loin in kap. Kei cu inn par ihsin ka dawp ih ka tlansuak. Keimah thawn mi 4 kan luat. Kannih hi in kaihhruai daan kan duh lo ruangah a hranpatei’ suakmi kan si.

Kan suah pek ahcun mi 3 lawng kan si nan, midang in in ra fin ih minung 10 lenglo kan cang,” tiah  Ko စဒန်  cun a sim.

A tlansuaktu mi 4 lakah 2 cu hriamhma an tuar ih tuamhlawm rero lai an si.

Mah le mah kahawknak suakmi thu thawn pehparaw in Shan ramkulh saklam ih hrambun tlangpar hriamhrei kai pawlkom thenkhat khal theihternak an neih zo thu  Ko စဒန်  cun a sim.

Khatlam a kaptu pawl khal mi 3 hriamhma an ngah, tiah theih a si ih PSDA hi NUG thawn pehtlaihawknak nei lo, mahte ngal pak men bangin taal menmen an si.

Be the first to comment

Leave a Reply

Your email address will not be published.


*