Karen ramkulh, Myawady peng ah motor sangtu pawl in driver an that ih a ruak lamzin sir ih an hlon hnuah a motor an laksak, tiah theih a si.
December 6 simlam ah Myawady khawpi No. 1 veng ih inn sangcop ih khawsa, motor mawng, kum 30 mi Ko ဒဿ timi nunau pahnih le mipa pakhat in phungki tlawng ih feh dingin a motor an hmang.
Lamzin ah tawkfang an feh hnuah anmah dungthlun ih ra, motor pakhat ih milai pawl le Ko ဒဿ ih phurhmi 3 cu ttangkop in Ko ဒဿ cu nam in vei tam zet an dawt.
“Ko ဒဿ hi a hlohnak ni 6 lai a si zo. Kan hawl rero ih December 8 ah a ruak kan hmu. A motor sangtu mi 3 le motor dang ih mi 5 ttangkop in an that,” tiah a rualpa in a sim.
SAC ralhrang in rampi thuneihnak a lak hnuah ramsung hmun tinkim ah misual an suak ih rukru, suamhmang, laithat le rittheih sivai ruangih buainak a karh deuhdeuh.
Mai innsang hrang pumcawmnak thiang thawn motor mawngtu pawl khal an luat nawn lo, tiah Ko ဒဿ ih rualpa cun lungse vankai in a rel.
Leave a Reply