Mopuai pakhatah mipi pawl hmuh rori ah mopa cun monu a beng ih a kiangkapih umtu pawl an khawruah a har zet.
Mopa in monu a thong lai video ahcun LED meisa eng hnuaiah mopuai cu hlunghlai zetin an hmang.
Monu le mopa cu a rualpi pawl in hnihsuah capoh sainak le nomnak ah lehnak pakhat (Game) an zuamawkter.
Cui’ Game cu zamrang zetin monu le mopa an zuamawkter ih a ṭheh hmaihmai ih neh ti a si ruangah monu a ṭheh mai ih a neh.
Curuangah mopa cu a thinheng ih monu in ‘ka neh ee’ tiin au phah in kut a thlir zikzawngah mipa cun a hnakhang ah a beng pan lo maw!
Mopa’h cangvaih dan ruangah mopuai hmangtu mipi le an ṭhian ṭuantu pawl an thinnuam lo zet. Monu cu a ṭhian in donsang (stage) ihsin lungkuai zetin a hruai suk. Mopa’h ṭhian khal um ngaihnak thei loin awn-au loten an sirah phone a rak hmang rero men.
Hi mopuai hi Uzbekistan ram ih tuahmi a si, tiah theih a si. Video zuktu khal a Camera a cawl ih ziangvek thil a thleng vivo ti theih a si nawn lo.
Hi neihawknak hi ngaizawngaw riai lo, nu le pa ih tuahremcop ih neiaw an si ih an nupa nun a nom ciamco ding a zumum lemlo.
Video rak zohtu pawl cun social media ah an puakkuai ṭheh. Mi pakhat cun, “Hihi riahsiatza rori a si. Monu hin ralṭha zetin a tawttlang ngam a ṭul. Mopa khal a mawhnak a tuar ngam ve a ṭul,” tiah a ngan.
Mi pakhat khalin, “Tuksumza ih cangvaitu mopa cu Internet ah ra leng seh. Mualpho seksek in kan rak ṭhua ding. A nu le pa in nun an sim lo mawsi? Misual turu zet vekih a cangvaih ciamco,” tiah a ngiar ve.
Uzbekistan ram ahhin nu le pai’ tuahremcop ih neiaw an tam tuk. Tui’ san khalah cumi daan an thlun hrih.
Mopuai ih buainak hi tu lawng a si lo. 2019 khalah mopuai cake ruangah mopa in monu a beng dah zo.
Leave a Reply