Mopuai ah mopa Game a lek rero men, zokhal a ngaihsak man lo

Nunau le mipa pumkhat sinak ih nemhngehnak bik cu neihawk caan hi a si. Curuangah neihawk ni hi ziangtluk a sunglawi.

Asinan mipa pakhat cu nupi a neih ni, mopuai an hman rero laiah Game a rak lek men. Gamer a si vekin Game a aatcilh tuk ih a nupi neih le neih lo khal a mangngaih nawn lo, tiah an sim.

Mopuai caan ahcun monu, mopa lamin thusimnak caan hman veve theu dan a si. Cumi laiah mipi mit cun thusimtu hnakin a neiawtu mopa le monu lawnglawng an rak zoh theu.

Asinan mopa cu thusimtu le mipi khal zoh lo, ngaihsak lo riai in Game lawnglawng a rak lek men.

Hi a Game lekmi hi a rualpi pawl thawn a bur ih lektlangmi a si ih a laklawh tuk ruangah tuvekin an mopuai khal a ngaihsak man lo.

A tikcu le a hmun in a pe lo zet nan, mopa cu ziangtluk Game ah a thinlung a pe ih a tumruh ti lawngte a tha lamin a sim theih.