Monywa ah sualmawh pisirh 3 tuahtu suakthuan 1 an kai

Sagaing ramthen, Monywa ah nunau kaihhrem, suamhmang le laithat misual bur khatih sungtel kum 18 mi Swe Mawng @ Kala @ Saing Ye Tun tiih kawhmi cu Monywa senpi humhualtu pawlkom in an kai, tiah theih a si.

Nunau kaihhrem telin sualmawh thubuai 48 neitu Saing Ye Tun timi pa hi December 16 ah rak kaih zomi a si nan, an khumnak hmunah tidai khai dingin an fial ih a tlanhlo.

Cumi hnu ni 15 rei hnuah inn pakhat a bauh ih an kaisal, tiah Monywa senpi humhualtu pawlkom ih hotu in a sim.

Mg. Saing Ye Tun hi an khumnak ihsin a tlanhloh ni 15 sungah a rualpi 5 thawn nunau kaihhremnak ttum 3, rukru ttum 35, mi kutthlak le suamnak ttum 10 tiin sualmawh pisirh ttum 48 an tuah man.

Hmaisa an kaih ttum khalah nunau 8 kaihrem ih an thah thu, laithahnak thubuai 22 an tuah thu a phuangaw zo. Thilsual an tuahmi pawl hi ralhrang thawn kopaw tahrat ih tuah an si thu le amah khal thawnginn ihsin ralhrang ih suah zalenmi a si thu a rel fawn.

Atu ahcun kaihsal a si zo ih Monywa senpi humhual pawlkom cun NUG ih daan vekin a thu an relsak ding, tiah theih a si.

Be the first to comment

Leave a Reply

Your email address will not be published.


*