Mon ramkulh ah Rohingya tam zet an kai

Mon ramkulh, မုဒုံ peng ah December 5 zing ah cet long pakhatih phurhmi Rohingya 80 zikte SAC ralhrang in an kai, tiah tualsungmi pawl in an sim.

“Hi long hi lungto a phur ih long lailak ruangah Rohingya pawl an phur thup. Longto an phurhmi an thlak laiah ralhrang rual an ra thleng ih an kai. Hektu an um rori ka zum,” tiah tualsungmi pakhat cun a sim.

Rohingya an kaihmi lakah mipa 56, nunau 22 an si ih nauhak zetzet khal an tel. A then cu Kawl tong khal an thiam hrothrai lo, tiah a sim.

Tualsungmi pawl ih simdan ah Rohingya pawl hi Rakhine ihsin Yangon ah an lut hmaisa ih Yangon ihsin Mawlamyine ah motor in an feh. Cumi hnuah tidai lamzin in Thailand ah lut tum an si.

Atufang Myanmar ram buai ruangah Rohingya pawl an dinhmun a se zet ve ih hmuntin ah ek vuak darh bangin an tlan celcel.

No description available.

December 5 zing khalah Yangon Hleku peng, Bala khua ah Rohingya 13 ih ruak sar a si.

Be the first to comment

Leave a Reply

Your email address will not be published.


*