Mithi ruak 13 pengtu mi bur khat an kai

Yangon ramthen, လှည်းကူး peng, တပင်ရွှေထီး lamzin ih Rohingya ruak hlontu milai puaisa group khat an kaih thu SAC ralhrang in thu an than.

Rohingya pawl hi Bangladesh raltlan Camp ihsin an tlan ih Rakhine ramkulh ah an luh hnuah Malaysia feh dingin milai puaisa pawl kut ah an thleng.

Rohingya pawl cu Sittwe ihsin Magway ramthen, ပဒါန်း khawpi ihsin Pathein-Monywa lamzin ah milai puaisa pawl in an phur. Lamzin Check gate ih an luat theinak dingah motor sungah an thup ih thawthawt ding tlasam in Rohingya 13 an thi, tiah SAC ralhrang lam cun an sim.

Milai puaisa pawl hin a hlan khalah Rohingya ttum 4 an phur zo ih Rohingya 250 lenglo, Malaysia ah an kuat zo, tiah theih a si.

Milai puaisa 12 lak ihsin mi thenkhat kaih an si ih an motor hman theumi 6 khal an laksak thu SAC ralhrang cun an tarlang.

Be the first to comment

Leave a Reply

Your email address will not be published.


*