Mandalay ramthen, ပြည်ကြီးတံခွန် peng, lamzin 44 le 136, ညောင်ပင်ကုန်း khua ah inn pakhatah suamhmang an luh laiah palik a va leng ih an rak that, tiah theih a si.
February 25, zan nazi 7 ah ညောင်ပင်ကုန်း khua ih hmunram puaisa Daw Khin Hla inn ah zo ti theih lo mi 7 cu hriamhrei thawn an lut. Culai fangah palik pakhat a va leng ngelcel ih palik cu suamhmang pawl in an rak kah that, tiah tualsungmi pawl in an sim.
“Innteknu Daw Khin Hla hi palik nupi ih unu a si. Palik tei’ nupa hi zarh khat vei khat a unu tei’ inn ah an leng theu. Tuni an ra len tikah misual pawl in an inn an rak suam lai thawn a dengaw ngelcel. Palik a si le si lo khal an nei lok lo nan, palik ih pai theumi phone an hmuh veten palik a si hi tiin an kap ih a thi. Suamhmang hi an tam tikah palik hin meithal a keng ve nan a kap man lo,” tiah tualsungmi pakhat in a rel.
An kah thatmi hi No. 6 tlangleng palik a si ih palik bawi sangtu Win Min Thant a si ih kum 49 mi a si.
Misual pawl cun palik ih kenmi zun hruk puak pistol, cerek, phone an lak lawlaw vekin inntek tei’ tangka ting 300 lenglo le hlawnthil an laksak.
Asinan innteknu le palik nupi lawngte kutthlak loin an fehsan men, tiah theih a si.
Leave a Reply